شوية نكت طحن

رهدية المولد حسنى مبارك ركب طياره هو وعيلته. طلع ورقه بمية جنيه من جيبه وقال >انا هرمى المية جنيه دى واللى هيأخدها هسعده. سوزان قالت له طب ما >تخليهم ورقتين بخمسين وتسعد إتنين. علاء قال طيب ماتخليهم خمس ورقات >بعشرين وتسعد خمسه . جمال قال طيب ماتخليهم عشر ورقات بعشره جنيه وتسعد >عشره. الطيار قال طيب ما ترمى نفسك وتسعد 75 مليون إبعتها خلي الشعب يتهني ويعيش سلام يا شعب


,,,,,,,,,,,,,,,,,,,,,,,,,,,,,,,,,,,,

كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه

ابو سريع ،،، اقترحت ام ابو سريع على ابو ابو سريع إنهم يفسحوا الواد في البحر الأحمر ،،،

جهزوا لوازم الرحلة واستغرقت الرحلة 15 سنه ذهاباً ... وصلوا لــ البحر وفرشوا

علشان ياكلوا وفجأة صرخت أم ابو سريع ( تصدق يابو ابو سريع نسينا أهم حاجه نسينا

الملاحه عشان الأكل ... اخطف رجلك وروح البلد هاتها ... ( صرخ ابو ابو سريع

وقال لسه هاروح 15 سنه رايح و 15 سنه جاي يكون الأكل برد الأحسن نبعت الواد ابو سريع

خفيف ولسه صغير .... ( ونادوا ابو سريع وقالوله وبعتوه يجيب الملاحه ومرت

السنين ... حوالي 40 سنه وابو سريع مجاش ،،، السلاحف بدأت تقلق فــ قالت ام ابو

سريع أحسن ناكل بدل الأكل يبرد ... ولما يجي ابو سريع نعمله أكل ثاني ( فجأة خرج

أبو سريع من ورا شجرة وقال يعني لو كنت رحت كنتم أكلتم من غيري

,,,,,,,,,,,,,,,,,,,,,,,,,,,,,


مرة واحد حلاق بيعلم ابنه الصغير الحلاقه وكل ما يغلط الولد يجى ابوه يضربه بالخرزانه يقوم

الولد موطى تيجى فى الزبون وكل مرة كده لغاية لما الزبون استوى وفجأة قطع الولد ودن

الزبون فمسكها فى يده وقال للزبون يا فندى يا فندى ودنك اتقطعت قاله الزبون ابوك شافك قال

لأ قاله طب ارميها بسرعة قبل ما ابوك يشوفها



,,,,,,,,,,,,,,,,,,,,,,,,,,,,,,,,,,,,,,,,,,,


مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته

"لا" قالها: "الحب زى النجوم الجميلة اللى فى السماء" قالتله"طب والجواز؟"

قالها:"دى البلاعة اللى واحنا بنبص على النجوم بنقع فيها.."


,,,,,,,,,,,,,,,,,,,,,,,,,,,,,,,,,,,,,,,,,,,,,,,

حلاق و ابنه بيتفرجوا على ماتش كوره فالواد سمع المعلق بيقول بيشوطها بمشط رجله وفي

المقص الواد قال لابوه الحق يابا بيلعبوا في العدة

,,,,,,,,,,,,,,,,,,,,,,,,,,,,,,,,,,,,,,,,,,,,

مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟


,,,,,,,,,,,,,,,,,,,,,,,,,,,,,,,,,,,


اتنين صعايدة بيلعبوا شطرنج الملك مات مشلول

,,,,,,,,,,,,,,,,,,,,,,,,,,,,,,,,,,,,,,,

مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,


· زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا

الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل

.قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم

..... قام الفأر نط مفزوع وقال لهم : اللي حيقرب من الأسد حيعرف شغله

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


· سواق ماشى ع الطريق واحد لابس احمر فى احمر شاور له فوقف السواق و قاله انت مين

و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة

شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا

الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد

لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و

لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور

الابيض فقالة الراجل فرفور اية رخصك يا روح امك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


راجل متجوز عنده دولاب فى البيت ممنوع أى حد يفتحه غيره مراته حيقتلها الفضول عاوزه

تعرف الدولاب فيه ايه؟ لكن الرجل مش مديها أى فرصة، المهم فضلت طوال عشرين سنه

منتظره الفرصه لحد ما فى يوم نسى يقفل الدولاب و نزل ففتحته فلقيت عشرين ألف جنيه و

بيضتين فجريت على جوزها وسألته عن سر الموضوع ده و أصرت انها تعرف فقالها اقولك

بس توعدينى انك تسامحينى، قالت أوعدك، فقالها الصراحه انا كنت كل ما أخونك أجيب بيضة

و أحطها فى الدولاب، فالست قالت فى نفسها مرتين خيانه فى عشرين سنه ماشى سامحتك بس

العشرين ألف جيه دول بتوع إيه قال لها ابدا أنا كنت كل ما اكمل كرتونه أبيعها


,,,,,,,,,,,,,,,,,,,,,,,,,,,,,,,,,,,,,,,,,,


بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش

حلال بس نبهوه يسمى قبل ما ياكل احسن ال ياكل معاه.اول شهر اكل اول زلعة بس نسى

يسمى، تانى شهر برضه نسى يسمى، ثالث شهر طلع له ال قال له:"ابوس ايد امك سمى،

صدرى اتحرق!"

,,,,,,,,,,,,,,,,,,,,,,,,,,,,,,,,,,,,,,,,


عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد

بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه

بلدياتنا : جلت له ابو جردان جبل ما يخلف جردان كان اسمه ايه؟

,,,,,,,,,,,,,,,,,,,,,,,,,,,,,,,,,,,,,,,,


واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى

... بسرع رد عليه شاب منهماحنا الكاميرا الخفية لو مش عايز تذيع قول ما تذيعشى

... رد بلديتنا لأ ذيع خللى الناس تنبسط

,,,,,,,,,,,,,,,,,,,,,,,,,,,,,,,,,,,,,,,


مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع


,,,,,,,,,,,,,,,,,,,,,,,,,,,,,,,,,,,


مرة واحدة تخينة اوي مسكت حرامي قعدت عليه فطسته
نادت علي ابنها وقالت له روح نادي أبوك بسرعة ردالحرامي من تحتها :بسرعة ياله


,,,,,,,,,,,,,,,,,,,,,,,,,,,,,,,,,,,,

مرة واحد قال لواحد انا فنان قاله التانى عظيم بترسم قاله لاء قاله التانى بتغنى قاله لاء فنااااان

قاله هايل يبقى بتمثل قاله لاء انا فنان بحط العيش فى الف

,,,,,,,,,,,,,,,,,,,,,,,,,,,,,,,,,,,,,,,,,,,


مرة واحد مخه تعبان شوية معاه كيس فشار ف فشارة وقعت
من ايده.قالها اطلعى. ماطلعتش, اطلعى, مطلعتش.
راح رما الكيس كله و قال لهم هاتوها



,,,,,,,,,,,,,,,,,,,,,,,,,,,,,,,,,,,



مرة ابن أبو العربي فارد ضلوعه ومش عاجبه حد خالص في الحته بتعته فوقف تحت البيت

عنده ونده أمه وقال : ياما ياما... ردت عليه أمه: خير ياواد عاوز ايه .. قالها :

كل حاجة تمام عندك ياما . قالتله كله تمام اطلع .قالها يعني محدش قل أدبه عليك النهاردة

من العالم دي . قالتله لأ محدش قل أدبه اطلع بقى . قالها : يعني محدش عاكس اخواتي

البنات علشان أشرحه النهاردة .قالتله : لأ محدش عاكس اخواتك اطلع . قالها يعني

محدش دايقكوا النهاردة . قالتله : لأ محدش دايقنا النهاردة اطلع بقى خلص .قالها طيب

مادام كده بقى ولعيلي نور السلم علشان في قطة على السلم